2018年6月10日講台上下
「關懷你的爸爸(1)---聽聽男人的心聲」—林啟健牧師
寫完「關懷媽媽的情緒」，徇眾要求，也要寫寫男人的心聲。因此，從今天起我會分幾篇文章吐吐男人心底話。今天這篇文章是從網上轉載，可以引導我們思想「男人的壓力」。你是否認同就自己評鑑，我轉載的目的只是鼓勵大家從多些角度看待男人的處境。
文章題目：男人之苦
見咁多兄弟吐苦水，自己又想吐下。拍拖九年，結婚都第九年，真係一段好長嘅時間，臨結婚前做左兩個好錯誤嘅決定，第一個決定，冇上到車，結果同我父母同住，過來人嘅兄弟姐妹都應該知道咁樣會發生咩事，婚後第三年，生左個仔，自此所有問題都開始黎料。老婆係事業型嘅人，當初考到一個專業資格，可能得黎太容易，問我意見想轉投資行業，作為嗰時嘅男朋友，女友嘅決定我係無限量支持，呢個係我第二個我覺得好錯嘅決定。
轉左行，見識多左，見嘅好多都係大陸有錢人，老婆開始覺得，大家身邊嘅人已經唔係果個層次，感覺佢嘅價值觀已經唔同左，以前嘅可愛無知少女，已經成為一個比較功利嘅人。老婆開始對我有極多不滿，響佢眼中，我係一個唔上進、做野冇恆心、儲唔到錢嘅人，佢開始歸究買唔到樓係因為我當年唔夠多積蓄，我父母幫唔到我上車等等，到而家雖然多左錢，相信大家都唔會冒險入市啦。
我自問而家收入唔差，做緊嘅公司都因為做得耐同埋老細想留人，所以有少量嘅股份，嚴格黎講都叫做有d事業。但響老婆眼中，呢d根本不值一提，佢轉左行之後，確實係幾搵到錢嘅，自始確立左女尊男卑嘅關係。可笑嘅係，好多夫婦都係公一份婆一份啦，但我呢位太座，佢對家庭支出嘅貢獻，可以話係零，佢聲稱話由於d錢響我度會唔見左，所以家庭所有嘅支出都係我出，包括養車、個仔嘅所有開支包括學費、興趣班、保險、所有日常消費等，而佢係一個仙都唔會出，作為一個男人我絕對唔會反對，因為養妻活兒，係男人應該肩負嘅責任，但試問咁樣單靠我一己之力，仲邊有能力有多餘錢去儲錢買樓？如果老婆有錢而唔一齊去負擔，大家係咪覺得好可笑？
性方面，生完個仔之後，係一次都未發生過，老婆之前已經對性唔太熱愛，生完個B之後，大家都將所有精神放落個仔度，而家唯有靠五姑娘解決。照顧個仔果度，我感覺我完全係一個工人，我自問真係好照顧我個仔，由細到大，所有夜奶都係我餵，換屎片、餵食、同個仔玩，我全部都做晒咁滯，我老婆居然仲可以怪我平時剩係同個仔玩，玩埋d冇意義既遊戲，我心諗，大佬，一人負責返一樣都好掛？
一個男人、錢唔夠多、冇樓、冇性、女尊男卑，有時我會諗，其實如果而家我有事突然去左，都冇乜影響，反正經濟上，我老婆絕對有能力負擔得起有餘，男人之苦…莫過於此！
（待續）
文章題目：男人之苦
見咁多兄弟吐苦水，自己又想吐下。拍拖九年，結婚都第九年，真係一段好長嘅時間，臨結婚前做左兩個好錯誤嘅決定，第一個決定，冇上到車，結果同我父母同住，過來人嘅兄弟姐妹都應該知道咁樣會發生咩事，婚後第三年，生左個仔，自此所有問題都開始黎料。老婆係事業型嘅人，當初考到一個專業資格，可能得黎太容易，問我意見想轉投資行業，作為嗰時嘅男朋友，女友嘅決定我係無限量支持，呢個係我第二個我覺得好錯嘅決定。
轉左行，見識多左，見嘅好多都係大陸有錢人，老婆開始覺得，大家身邊嘅人已經唔係果個層次，感覺佢嘅價值觀已經唔同左，以前嘅可愛無知少女，已經成為一個比較功利嘅人。老婆開始對我有極多不滿，響佢眼中，我係一個唔上進、做野冇恆心、儲唔到錢嘅人，佢開始歸究買唔到樓係因為我當年唔夠多積蓄，我父母幫唔到我上車等等，到而家雖然多左錢，相信大家都唔會冒險入市啦。
我自問而家收入唔差，做緊嘅公司都因為做得耐同埋老細想留人，所以有少量嘅股份，嚴格黎講都叫做有d事業。但響老婆眼中，呢d根本不值一提，佢轉左行之後，確實係幾搵到錢嘅，自始確立左女尊男卑嘅關係。可笑嘅係，好多夫婦都係公一份婆一份啦，但我呢位太座，佢對家庭支出嘅貢獻，可以話係零，佢聲稱話由於d錢響我度會唔見左，所以家庭所有嘅支出都係我出，包括養車、個仔嘅所有開支包括學費、興趣班、保險、所有日常消費等，而佢係一個仙都唔會出，作為一個男人我絕對唔會反對，因為養妻活兒，係男人應該肩負嘅責任，但試問咁樣單靠我一己之力，仲邊有能力有多餘錢去儲錢買樓？如果老婆有錢而唔一齊去負擔，大家係咪覺得好可笑？
性方面，生完個仔之後，係一次都未發生過，老婆之前已經對性唔太熱愛，生完個B之後，大家都將所有精神放落個仔度，而家唯有靠五姑娘解決。照顧個仔果度，我感覺我完全係一個工人，我自問真係好照顧我個仔，由細到大，所有夜奶都係我餵，換屎片、餵食、同個仔玩，我全部都做晒咁滯，我老婆居然仲可以怪我平時剩係同個仔玩，玩埋d冇意義既遊戲，我心諗，大佬，一人負責返一樣都好掛？
一個男人、錢唔夠多、冇樓、冇性、女尊男卑，有時我會諗，其實如果而家我有事突然去左，都冇乜影響，反正經濟上，我老婆絕對有能力負擔得起有餘，男人之苦…莫過於此！
（待續）
* * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * * *
本文版權屬林啟健牧師所有，承蒙允准刊載。
本文版權屬林啟健牧師所有，承蒙允准刊載。
